عسى مازعلتك البارح .....

من طرف **ام حسين** الأربعاء مارس 17, 2010 5:38 am

هذه قصيده للشاعر المبدع / سالم السيار

بعنوان / الجراح

عسى ماازعلتك البارح وزودت الجراح جراح
عسى مامرت الدمعه على اهدابك من اسبابي

جرحتك من كثر شوقي وخليت الكلام رماح
ولاادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للامل دام الرجا في عمري المنواح
اناديلك ولو شرهك وصولك تقطع اعصابي

ابيك الجاي من عمري انا ماابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ماافرح ترى تفرح بك ثيابي

احبك يابعد عمر الحزن والجرح والافراح
احبك كثر مانامت عيونك داخل اهدابي

********** *********

الرابط

http://www.salemsayar.com/site/d-alzbrjd/aljera7.html

مع خالص محبتي